Մամուլի հաղորդագրություններ

Գրքի շնորհանդես Վարշավայում

13.05.2015

Մայիսի 13-ին Վարշավայի «Ընթերցանության մոդա» գրատանը տեղի ունեցավ ռումինահայ գրող, հրապարակախոս և հասարակական-քաղաքական գործիչ Վարուժան Ոսկանյանի «Շշուկների մատյան» վեպի լեհերեն հրատարակչության շնորհանդեսը: Վեպը նվիրված է Հայոց ցեղասպանությանը և թարգմանվել է աշխարհի տարբեր լեզուներով: Այն լեհ ընթերցողին ներկայացվում է առաջին անգամ:

Շնորհանդեսը կազմակերպվել էր Մշակույթի ռումինական ինստիտուտի, «Կլիմատի» գրքերի հրատարակչության և «Ընթերցանության մոդա» գրատան կողմից` Լեհաստանում ՀՀ դեսպանության աջակցությամբ: Միջոցառմանը ներկա էր նաև Լեհաստանում ՀՀ դեսպան Էդգար Ղազարյանը:

Հեղինակը ներկաներին մանրամասն ներկայացրեց վեպի հիմնական բովանդակությունը` անդրադառնալով Հայոց ցեղասպանությանը և դրա ճակատագրական հետևանքներին ոչ միայն հայ ժողովրդի, այլ համայն մարդկության կյանքում: Վարուժան Ոսկանյանը նաև պատասխանեց ընթերցողներին հուզող հարցերին:

http://mfa.am/hy/press-releases/item/2015/05/13/book_warsaw/ http://armenpress.am/arm/news/805540/varshavayum-kayacel-e-shshukneri-matyan-vepi-leheren.html